Սնվել հաղթողի պես

Լավ առողջություն ունենալու համար խուսափե՛ք հագեցած ճարպերից, խոլեսթերինից, զտված ածխածնից ու շաքարից, ինչպես նաև տրանս ճարպերից։ Այս կերակուրները կարող են հարատև բորբոքական գործընթացի պատճառ դառնալ, արդյունքում օրգանիզմն ուղղորդելով սրտային հիվանդությունների, շաքարախտի և նույնիսկ քաղցկեղի։ Ահա ինչու հարկ է օգտվել լավ խոհարարական յուղերից և հետևել ապրանքապիտակներին։ Նույնիսկ, այսպես կոչված՝ «դիետիկ սնունդը», կարող է վատ անդրադառնալ առողջության վրա։

Ստուգել խոլեսթերինը

Քչերը գիտեն, որ սնունդը խոլեսթերինի քանակը պայմանավորող ամենակարևոր գործոնը չէ։ Խոլեսթերինի միայն 20%-ն է օրգանիզմ ներթափանցում սննդի միջոցով, մինչդեռ մնացած 80%-ն արտադրում է լյարդը։ Ահա ինչումն է միայն սննդի օգնությամբ խոլեսթերինի քանակը նվազեցնելու դժվարությունը, և ինչու է այդքան կարևոր հսկել խոլեսթերինի քանակը։ Առավելագույնը խոլեսթերինի քանակը պետք է լինի 200 մգ/դլ։ Հարկ է նաև որոշակի տեղեկացված լինել խոլեսթերինի օրգանիզմում կատարած դերի մասին։

Չափել արյան ճնշումը

Տառապում եք բարձր արյան ճնշմա՞մբ։ Եթե նույնիսկ այդպես չէ, միևնույն է, պետք է կարդալ նաև այս պարբերությունը։ Միջին տարիքի ամերիկացիներից երեքից մեկը բարձր ճնշում ունի. 140/90  և ավելի։ Ինչևիցե, մասնագետները պնդում են՝ եթե հետևողականորեն հսկելով պարզվում է, որ այն 120/80 և ավելի է, ապա դա նույնպես համարվում է բարձր։ Հարկ է օգնել սրտին՝ հետևելով քաշին, նվազեցնելով աղի քանակը և որքան հնարավոր է հաճախ գտնվել շարժման մեջ ։

 Հետևել իդեալական զանգվածին

Պարզելու համար՝ թե որքանով է մարմնի քաշը համապատասխանում մարմնի երկարությանը, հարկավոր է հաշվել մարմնի երկարության և զանգվածի գործակիցն ոը համեմատել այն աշխարհի բնակչության միջին գործակցի հետ։ Եթե հայտնաբերվի քաշի ավելցուկ, հարկավոր է աշխատել նվազեցնել այն։

Շաքարի քանակը պահպանել ապահով մակարդակի վրա

Որպես առողջության նախապաշտպանական միջոց, հարկավոր է պակասեցնել սոդայի, խմորեղենի քանակը, որոնք բարձրացնում են արյան մեջ շաքարի քանակը, իսկ եթե արդեն տառապում եք շաքարախտով, ապա դրանց ընդունումը կարող է վնասել սիրտը, երիկամները, աչքերը և նյարդային համակարգը։ Շաքարը նորմայի մեջ պահելը, ըստ Ամերիկյան Սրտանոթային ասոցիացիայի ուղեցույցների, մարդու սրտի առողջության գնահատման յոթ չափորոշիչներից է, ընդ որում այն նվազեցնում է նաև քաղցկեղի հավանականությունը։

Վերջ տալ ծխելուն

Չկա ոչինչ ավելի առողջարար սրտի համար, քան դադարել ծխելը։ Վերջին հետազոտությունները ցույց են տվել, որ ծխող մարդիկ 10 տարի ավելի քիչ են ապրում չծխողներից, իսկ նրանք, ովքեր 40 տարեկանից հետո թողնում են ծխելը, 90%-ով նվազեցնում են ծխախոտից մահանալու հավանականությունը։

Առողջ և խորը քուն

Քունը թարմացնում է և հսկայական ազդեցություն  թողնում մեր ինքնազգացողության վրա։ Քնի խանգարման մեղավոր կարող է լինել սննդակարգը։ Սնունդն ուղղակիորեն կապված է սերոտոնինի հետ՝  հորմոն, որը վիտամնիններ B6, B12-ի, և ֆոլաթթվի հետ համատեղ նպաստում է առողջ քնին։ Ավելի խորը քուն ապահովելու համար հարկ է «հենվել մեծ եռյակ»-ի վրա՝ բարդ ածխաջրածիններ, սպիտակուցներ և չհագեցած ճարպեր։ Յոգայի վարժությունները նույնպես կարող են օգտակար լինել։

Ժամանակին  բժշկական հետազոտություններ իրականացնել

Սա չափանզանցություն չէ, ստուգումները կարող են փրկել ձեր կյանքը։ Դրանք ստեղծված են քաղցկեղը և այլ ծանր հիվանդությունները ժամանակին հայտնաբերելու, ու ժամանակին բուժում կազմակերպելու համար։